ගහන ගහන හැම ගලක්ම මලක් වෙලා බිම වැටෙන්න...ලියන දෙයින් ලොව සනහා මෙත් මල් දම් පතුරවන්න
අසන දෙයින් මට වගේම ඔබටත් සතුටක් දැනෙන්න
රුදුරු වදන් පිට ලියලා හඬන සිතක් නොම තලන්න
මිතුරු වෙසින් එන සතුරන් හැමටම එක සේ සිටින්න
කියන කියුම් ගැන හිතලා පලක් නොවේ මැයි සිතන්න
ගහන ගහන හැම ගලක්ම මලක් වෙලා බිම වැටෙන්න
රිදෙන නිසා කෑ ගසනා අමිනිස් හිත් නොම තියෙන්න
ලියන සියල් මිනිසුන්ගේ හිත් නොතලා නුඹ ලියන්න
මහගම සේකර කවියාගේ සක්වාලිහිණි කාව්ය ග්රන්ථයේ එන මගෙ කවියෙන් මා නොසොයන් කවිය අපි නැවත මතක් කරගත යුතුයි...
අපි හැමෝම නොදැනුවත්වම එකම අරමුණක් ඔස්සේ ගමන් ගන්නා අතර, මට කලියෙන් ඔබට ඒ අරමුණ සාක්ෂාත් කරගන්ට පුළුවන් වුනොත් ඔබේ නමින් පැසසුම් මල් පිපේවි. ඒ මල් තුල මා දකින්න.. යනුවෙන් නිරපේක්ශ සිතුවිල්ලක් කැටි කොට ලියවුනු මේ කාව්යය මසිත නිරන්තර නින්නාද දේ.
මතුවටත් එසේමැයි.
කවිය නොකියවා කවියා කියැවීම බෙහෙවින් දක්නට ලැබෙන දෙයකි. කෙනෙකුගේ අනන්යතාවයට ගරු කරන මිනිසුන් බ්ලොග් අවකාශයේ නොසිටීම මේ සියල්ලටම හේතුවයි. මේ ප්රශ්ණය බ්ලොග් අවකාශයේ දැන් ඕනෑවටත් වඩා කතා කරමින් පවතින නිසා, අවසාන දැනුම් දීම මෙලෙස කරමි.
මම ලියන්නේ , Bo යන නමින් මිසක් මගේ සම්පූර්ණ නමින් නොවේ. සම්පූර්ණ නම භාවිතාකල අය එය භාවිතා කරමින් අනන්යතාවය හෙළි කරන වෑයමක් ගෙන ගියා. එවන් දෑ දුටු විට එය අවංඥාවෙන් බැහැර කළ යුතුය. මේ ගැන අබමල් රේණුවක තරම්වත් ගණන් ගන්න එපා කියලා, මා දන්නා සියල්ලන් මට පැවසුවේ. සැදුනු සිත ඉවසයි දරයි... මා ලියූ මගේ සිතුවිලි මෙවැනි අවස්ථා වලදී ඉවසීමෙන් ක්රියා කිරිමට මට නිබඳව උදව් වුනා.
බ්ලොග් අවකාශයේ සියල්ලන්ටම දැන ගැනීම පිණිස, මම පිළිතුරු සපයන්නේ මේ ලියන බ්ලොග් අයි ඩී එකෙන් බවත් , anonymous ආකාරයෙන් නොලියන බවත් මෙයින් පැහැදිලි කරමි. එම අයි ඩී එකෙන් ලියන්නට නොහැකි, මතවාදී අඩවි වල මම නොලීවෙමි. මින් ඉදිරියටද නොලියන්නෙමි. තවද කියවන අඩවි හැරෙන්නට දකින දකින සෑම බ්ලොග් අඩවියකම නොලියන බවත් ඉඳුරාම පවසමි. ඔබ අඩවි වල ඇනෝනිමස් ආකාරයට ලියන්නේ මා නොවේ, කවුරුන් හෝ කල දුටු කළ වල ඉහ ගැනීමේ වෑයමක් දරන බව පෙනේ. එවැනි පෞද්ගලික දෑ සඳහන් කරමින් ලියනා දෑ ඉවත් කිරිම ඔබ සතු යුතුකමකි.
ඒ අතර තුර විවිධ චින්තනයන් ලියනා බ්ලොග් අඩවි මා ඔවුන්ගේ අයෙක් ලෙස හුවා දක්වන්නට වෑයම් කරයි. අසාධාරණයට විරුද්ධ වෙන්න, ඒ සඳහා අසාධාරණයට ලක්වෙන්නා කවරෙක්දැයි අවශ්ය නොවේ. එනිසා ඔබේ සතුරන්ට පහර දීමට අප වැනි ස්වාධීන ලියන්නන් අවියක් කරගන එපා යැයි එවැනි අඩවි වලින් මම කාරුණිකව ඉල්ලා සිටිමි. මේ දේ සිදුවූ පළමු කෙනා මා නොවේ, මීට කලින් සිංහල බ්ලොග් ලියූ අයටද මෙ ආකාරයෙන්ම අකටයුතු කම් සිදු විනි.
මා කෙරෙහි වෛරයෙන් පසුවන සියල්ලන්ගේම වෛර සිතුවිලි නැතිවී, ද්වේශයෙන් පසුවන සියල්ලන්ගේම ද්වේශ සිතුවිලි නැතිවී ඔවුන් ගේ කිළිටි වූ සිත් සතන් නිවී සැනහේවා යන්න මගේ ඒකායන පැතුමයි.
